Friday, March 05, 2010

Ae zindagi...

Ae zindagi kya tune kabhi khudko kareeb se dekha hai?
Kya tujhsa zaalim koi haadsa hai? Kya tujhsa farebi koi dhoka hai?

Jaane kitne dilon ko loota tune, kitne armaanon ko kuchla hai,
Tere aage jhukta rehta hai zamaana jo aage hai, jo pichla hai..

Teri khaatir barbaad kiya hai kisine apne aap ko,
To teri wajah se khoya hai kaheen ek beta apne baap ko..

Tere liye marte hain log, tu pyaari hai har pyaare se,
Tu haseen bane isliye log guzar jaate hain kinaare se..

Tu mili ek baar, tujhe jeena hai unhe isliye wo bane khudgarz,
Kya cheez hai tu jiski khaatir bhoole hain log apna farz!

Tere wajood ko khokla kiya hai tere naa hone ke dar ne,
Aur bhool chuke hain dunya wale ke wo chale hain aage marne..

Kaash unhe pata hota ke tu is pal to hai, par... maut hi tera anjaam hai,
Kaheen hoton se takrane se pehle toot na jaaye, jo bhara unhone jaam hai...

...Umme Hashir








1 comment:

Anonymous said...
This comment has been removed by a blog administrator.
I am nobody, but a stranger, only a simple wayfarer,
My journey is this life till I reach the Hereafter..
Traveling all along the footsteps of my Teacher
,
For I have to, in time, reach the destination promised by MY
SUSTAINER...