Taalluq maine Qismat se kabhi seedhe na rakha
Kabhi Sabr, to kabhi Shukr ko darmiyaan me hamesha rakha
Maine TERI Qadar ko dil se sadaa tasleem kiya
TERE “Kun” me hai khair likhi - is sach pe yaqeen kiya
Har lamha is ehtiyaat me, is dar me jeeti hoon ke TU na rooth jaaye
Kisi kamzor lamhe ki giraft me kaheen mera Eemaan na toot jaaye
Hai kaun mera jise keh sakoon ke dil mera bhi dukhta hai?
Iss sonch me hi doob kar sar mera zameen par tikta hai
TERI Qurbat ka ehsaas jab mujhko Sajdon me hota hai
Zidd karleti hoon jaise bachcha maa ki baahon me rota hai
Raazi hoon main TERI Razaa me, par mera ye dil hai thoda-sa tang
Itni lambi TUNE ye Raat likhi hai, ab dil ko dukhaata hai Siyaah rang
Meri Raat ko TUNE kiya roshan Jannat ke Sunehre Khwaab se
Ya Rabb! Jannat ke Aasmanon ko mere liye sajaana Sunehre Mehtaab se
Ek Mominah Kufr nahi karti, na Qismat se shikaayat karti hai
Tadapte dil se, tapakte ashkon se wo Al-Qareeb ki ibaadat karti hai..
~ UmmHashiR
No comments:
Post a Comment